Kanhi CESAFI MVP mantilla serbisyo publiko giasikaso
Emmanuel B. Villaruel (Banat) - June 3, 2020 - 12:00am

CEBU, Philippines — Ang pagbayaw kaniyang season MVP sa dihang ang University of San Jose-Recoletos (USJ-R) Jaguars mitikang sa 2018 Cebu Schools Athletic Foundation, Inc. (CESAFI) Finals maoy labing mahinungdanon niyang nakab-ot ning puntoha sa iyahang karera.

Mao kini ang gikumpisal sa Sugboanong basketbolista nga si Jaybie Mantilla samtang nagbalik lantaw sa iyang kagahapon taliwala COVID-19 pandemic.

Si Mantilla ug ang Jaguars ni coach Leode Garcia nagdanga-danga na unta sa labing una nilang CESAFI title sa dihang ilang gibihag ang two-time defending champion University of the Visayas (UV) Green Lancers sa Game-2 aron pagtabla sa ilang 'best-of-three' series, 1-1. Apan ang Jaguars nahikawan og kasaysayan sa dihang gipukan sa Game-3 sa Lancers nga milahos ngadto sa pagkulit og talagsaong grandslam ubos ni coach Gary Cortes.

Nadismaya man tuod, apan duna gihapo'y butang nga gikalipay si Mantilla niadtong tungora. Kini kay sa susamang tuig migradwar man sab siya sa kurso nga Bachelor of Science in Business Administration major in Marketing Management.       "Ang edukasyon o imong kaalam sa pag-eskwela dili makawat ni bisag kinsa ug imo ni-gift sa imong mga ginikanan na di kabayran ug kwarta," matud pa ni Mantilla nga kasamtangang sakop sa Casino Ethyl Alcohol-Cebu Sharks sa Maharlika Pilipinas Basketball League (MPBL).

Ning panahon sa kalibutanhong krisis, gihikling usa ni Mantilla sa iyang huna-huna ang basketbol. Iya karong gihatagan og atensiyon ang pagserbisyo sa komunidad isip Sangguniang Kabataan (SK) chairman sa Barangay Suba, dakbayan sa Cebu City.

Inabagan sa ilang barangay kapitan nga si Joel 'Jojo' Sable Jr., si Mantilla ug ang iyang mga sakop sa konseho nanghatag og mga face masks, sanitizers ug vitamins ngadto sa ilang gisakupan.

Niadto lamang miaging adlaw, nanghatag sila og mga coloring books sa mga bata sa ilang dapit aron duna sila'y kalingawan samtang nagpuyo sa ilang mga balay.

Nagkanayon si Mantilla nga daghan siyang butang nga nakat-onan ning panahon sa krisis. Labing una mao ang pagpangga sa pamilya ug paghatag kanila og seguridad kay ang tanan lumalabay lamang. Dungan niini, si Mantilla dunay ipaambit nga tambag.

"Be responsible because sa tanan mga actions nimo, naa gyud na'y consequence. Kailangan magmatngon everytime. Kailangan mosunod sa balaod kay para na sa safety sa tanan. Ampingan ang usa'g-usa para malayo sa sakit ug di madamay ang pamilya ug ubang tawo.

Kining tanan atong ubanan sa atong pag-ampo kay ang pag-ampo maoy pinaka-powerful sa tanan," dugang pa ni Mantilla.

CESAFI MVP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with