Mayweather maoy mobayad pagpalubong ni Floyd
CEBU, Philippines — Abagahon sa retiradong boxing legend nga si Floyd Mayweather Jr. ang tanang balayranan sa pagpalubong ni George Floyd.
Mao kini ang gikompirmar ni Mayweather Promotions chief executive Leonard Ellerbe sa ESPN kagahapong adlawa.
Si George Floyd, usa ka black American, namatay sa miaging semana human ang usa ka polis didto sa Minneapolis miluhod sa iyang liog sud sa dul-an siyam ka minuto.
Ang 26-anyos nga si Floyd, kinsa nakaposas niadtong higayona, wala na maglihok sud sa tulo ka minuto ug patay na sa dihang gidala sa tambalanan.
Ang kamatayon ni Floyd nakapasilaob og bayolenteng protesta didto sa Amerika nga milanat na karon og lima ka adlaw. Si Ellerbe nagkanayon nga gidawat na sa pamilya ni Floyd ang ilang tanyag.
Matud pa ni Ellerbe nga si Mayweather naanad na sa pagbuhat sa ingon sa miaging 20 ka tuig. Ang 42-anyos nga si Mayweather miretiro sa boksing niadtong 2017 bitbit ang perpektong rekord nga 50-0.
- Latest