Meralco rookie mitira batok sa racism
CEBU, Philippines — Si Aaron Black, ang umaabot nga PBA rookie uban sa Meralco Bolts ubos ni coach Norman nga iyang amahan, miapil sa nagbaha nga protesta kabahin sa pagkamatay ni George Floyd ug sa uban pang pagpamatay sa kapolisan sa mga itom nga tawo didto sa Amerika. Pinaagi sa iyang social media page, si Black nagkanayon nga ang 'racism' wa'y luna ning kalibutana kay ang mga katawhan mahimo mang magpuyo nga malinawon ug dili magtanom og kasilag sa isig ka tawo bisan unsa pa ang ilang kolor o kultura.
"Let's do our part and speak up against not only racism in the US but the injustices happening around us here in the Philippines as well. Together we can make a difference," suwat pa ni Black sa iyang Twitter sigun sa taho sa PBA.ph.
Ang uban Fil-Am players mipadayag sab sa ilang pagkadismaya sa nahitabo.
"Why is that dark skinned people are looked at as criminals or thugs or dirty or ugly or gangsters or hip hop.... or....," matud pa ni Chris Ross sa San Miguel Beermen.
Samtang si Fil-Am NBA player Jordan Clarkson sa Utah Jazz mi-post sa iyang social media page sa iyang partisipasyon sa malinawong protesta kauban ang kanhi niya teammate sa Cleveland Cavaliers nga si JR Smith.
- Latest
