Labing datu nga atleta LeBron ikalima listahan sa Forbes

CEBU, Philippines — Nahimutang sa ikalimang puwesto sa labing adunahan nga mga atleta sa tibuok kalibotan si NBA superstar LeBron James sa Los Angeles Lakers.

Kini segun sa listahan sa Forbes magazine ning tuig 2020. 

Ang four-time MVP ug three-time NBA champion mikita og $88.2 million sa miaging tuig, $60 million niini gikan sa mga endorsements.

Nagsunod ni LeBron si two-time MVP Stephen Curry sa Golden State Warriors nga mihakot og $74.4 million, samtang ang kanhi teammate niining si Kevin Durant nga anaa na karon sa Brooklyn Nets maoy ikapito bitbit ang $63.9 million.

Nagkupot sa dungog isip labing datu nga atleta karon sa kalibotan mao si tennis star Roger Federer sa Switzerland nga  adunay $106.3 million.

Mao kini ang labing unang higayon nga nabutang si Federer sa numero unong puwesto sukad ang Forbes nagsugod pagpagawas og lista niadtong 1990.

Naglangkob sa top 4 mao sila si football stars Cristiano Ronaldo sa Portugal ($105 million), Lionel Messi sa Argentina ($104 million), ug Neymar sa Brazil ($95.5)