Sapatos ni Jordan nahalin P28 milyones
CEBU, Philippines — Usa ka pares sa Air Jordan nga sapatos nga gisul-ot ni Michael Jordan mikulit og bag-ong rekord human kini nahalin sa kantidad nga $560,000 kon P28 million atol sa auction nga gipasiugdahan sa Sotheby's kagahapong adlawa.
Mao kini ang all-time record sa labing mahal nga sapatos sa basketball sa kasaysayan.
Ang maong sapatos nga gihimo sa Nike alang ni Jordan niadtong tuig 1985 ug dunay autograph mismo sa NBA legend mibuak sa karaang rekord nga gikuptan sa "Moon Shoe" nga napalit sa kantidad nga $437,000 niadtong Hulyo 2019 sa susama gihapong auction house.
Sukad mapasalida sa ESPN ug Netflix ang 10 ka serye sa dokumentayo nga giulohan og 'The Last Dance', nagkamahal sab ang mga butang nga may kalambigitan sa kinabuhi ug karera ni Jordan.
Ang maong doumentaryo nagsilyo sa estado ni Jordan isip labing banggiitang nga basketbolista sa kasaysayan.
- Latest