Ning Semana Santa Tim Cone mikumpisal
CEBU, Philippines — Ning Semana Santa, si two-time grandslam champion coach Tim Cone mikumpisal nga ang 2002 PBA Governors' Cup ug 2010 PBA Philippine Cup maoy labing lisud nga championship series nga iyang nabagatan sa mabulukon niyang karera.
Sulagma kaayo nga sa maong duha ka serye, iyang nakabangga si three-time PBA champion coach Ryan Gregorio ug Purefoods Hotdogs.
Mao kini ang hinungdan nganong sa wa'y pagduha-duha giisip ni Cone si Gregorio nga maoy labing lig-ong coach nga iyang nakaatbang balik lantaw sa iyang kaagi sa PBA.
"No one beat me up more in a series than Ryan," angkon pa ni Cone nga maoy nag-coach sa Alaska Aces sa parehong okasyon.
"He was for me the definition of kontrabida. I really don't know how or why, but he had my number. I had my worst defeats to him - getting swept in four games, losing a 3-1 series lead, once losing a 28-point lead. It seems the list goes on," dugang pa sa kasamtangang coach sa Barangay Ginebra.
Gawas ni Gregorio, gisaludohan sab hinuon ni Cone sila si legendary coach Baby Dalupan ug ang Living Legend Sonny Jaworski sa sayong bahin sa iyang coaching career.
- Latest