Taliwala sa COVID pandemic: Pope Francis mipa-ambit sa mga pagtulon-an sa sports
CEBU, Philippines — Mipaambit si Pope Francis sa mga pagtulo-an gikan sa sports nga magamit ug kinahanglanon kaayo ning labing lisud nga panahon nga giatubang sa tanang katawhan sukad niadtong ikaduhang gubat sa kalibotan.
Sa panapos niyang mensahe atol sa iyang misa niadtong sa Domingo sa Palwa didto sa St. Peter's Basilica sa Roma, si Pope Francis mipahibalo sa pesta nga Abril 6 (niadtong Lunes) isip "International Day of Sports for Peace and Development" nga gideklarar sa United Nations.
Iya dayong gihubit ang mga maayong gawi gikan sa sports nga dako og tabang ning panahon sa dakong krisis diin ang kalibotan nag-atubang og makuyaw nga gubat batok sa bangis kaayong kontra nga dili hikit-an, ang coronavirus.
"In this period, many sporting events have been suspended," matud pa ni Pope Francis. "But the best fruits of sports are coming out - resistance, team spirit, fraternity and giving the best of oneself. So let's launch sports for peace and development once again."
- Latest