Football player giimbistigar nag-"sex-party" atol sa lockdown

CEBU, Philippines — Ang football player sa Manchester United didto sa Britanya nga si Kyle Walker nag-atubang karon og imbestigasyon gumikan sa paglapas niini sa mga lagda sa lockdown pinaagi sa pag-host og "sex party" bisan pa man og iyang gitambagan ang mga tawo nga magpuyo sa ilang balay

Ang 29-anyos nga England defender nangayo na hinuon og pasaylo human gimantala sa The Sun nga miimbitar siya og duha ka mga call girls sa iyang apartment niadtong Miyerkules sa miaging semana.

Sunod adlaw, si Walker mi-post sa iyang social media diin iyang giawhag ang publiko nga mosunod sa mga kondisyon sa kagamhanan kabahin sa social distancing.

"I want to apologize to my family, friends, football club, supporters and the public for letting them down,"  matud  pa ni Walker sa usa ka pamahayag.