Bryant, Duncan, Garnett ibayaw sa hall of fame
Emmanuel B. Villaruel (Banat) - April 5, 2020 - 12:00am

CEBU, Philippines — Ang mga NBA greats nga sila si Kobe Bryant sa LA Lakers, Tim Duncan sa San Antonio Spurs ug Kevin Garnett sa Boston Celtics gikatakda nga ibayaw sa prestihiyosong Naismith Memorial Basketball Hall of Fame.

Segun sa taho ni Shams Charania sa The Athletic, opisyal nga ipahibalo ang induction sa tulo ka banggiitang mga basketbolista karong adlawa pinaagi sa ESPN didto sa studio niini sa Bristol, Conneticut.

Kadtong pasidunggan sa Basketball Hall of Fame naandan sa untang ipahibalo atol sa Final Four sa NCAA didto sa Amerika, apan dunay nahitabong kausaban gumikan kay nakanselar man ang March Madness gumikan sa coronavirus pandemic.

Sila si Bryant, Duncan ug Garnett nagkumbinar og 11 ka kampiyonato ug 48 ka pagsalida sa All-Star sa kinatibuk-an sa ilang mga karera.

Nilang tulo, sila si Duncan ug Garnett na lang ang buhi.

Si Bryant namatay niadtong Enero sa edad nga 41-anyos sa helicopter crash nga mikalas og lain pang walo ka kinabuhi, apil na ang 13-anyos niyang anak nga si Gianna.

Ang gikatakdang pag-anunsiyo sa pagkaapil nila sa Hall of Fame daw sa makahatag og gamay'ng dan-ag niining mangiob nga panahon sa kalibotan sa basketbol.

Ang pagpanaw ni Bryant ug ingon     man ni kanhi NBA commissioner David Stern ug ang pagkasuspenso sa kasamtangang season sa liga gumikan sa kalibutanhong krisis panglawas nakahatag sa NBA og garason nga  sinugdanan ning dekada.

BRYANT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with