Depensa ni Joshua giuswag
CEBU, Philippines — Padayon ang pagpanghasi sa coronavirus sa kalibotan sa sports ug ang labing uwahing biktima niini mao ang away nilang Anthony Joshua ug Kubrat Pulev.
Si Joshua gikatakda untang modepensa sa iyang WBA, IBF, WBO ug IBO heavyweight titles karong Hunyo 20 didto sa Tottenham Hotspur Stadium sa London, apan gisibog kini ngadto sa wala pa hisayring petsa gumikan sa COVID-19.
"Anthony Joshua's defense of his IBF, WBA, WBO and IBO heavyweight world titles against mandatory challenger Kubrat Pulev scheduled to take place at the Tottenham Hotspur Stadium on Saturday June 20 has been postponed," segun pa sa Matchroom, ang promoter sa maong event, sa usa a opisyal nga pamahayag.
"A new date for the event promoted by Matchroom Boxing and 258 Management in association with Top Rank and Epic Sports Entertainment is currently being worked on," dugang pa niini. "We will announce any updates in due course and continue to explore the possibility of hosting this fight at the Tottenham Hotspur Stadium."
Si Pulev unang gikatakda nga makigbinukbukay ni Joshua niadtong Oktubre 2017, apan wala kini madayon gumikan kay si Pulev nakahiagum og injury sa iyang abaga. Karon nameligro na sab nga dili mahinayon ang ilang sangka.
- Latest
