Aksiyon sa NBA mabalik ra, apan wala pa masayri kanus-a kini mahitabo
CEBU, Philippines — Bilyonaryong tag-iya sa Dallas Mavericks nga si Mark Cuban nangagpas nga mabalik ra puhon ang aksiyon sa NBA,apan wala siya makahibalo kon kanus-a kini mahitabo.
Gisuspenso sa NBA ang kasamtangan niining season sa miaging bulan gumikan sa coronavirus pandemic ug wala pa'y kasiguoran kon unsay ugma nga nagpaabot sa liga.
Ang 61-anyos nga si Cuban nagkanayon nga sa kasamtangan wala pa mahisguti kon kanus-a mabalik ang liga ilabi na kay nagkabagsik pa man ang nanghasi nga virus.
"I have no idea... I haven't had any conversations where anybody has even discussed an actual date at this point," matud pa ni Cuban ngadto sa ESPN.
"It's not happening until we can be certain everybody can be absolutely safe. Who knows? We have to listen to the scientists now," dugang pa niya.
Gipanglantawan ni Cuban nga ang NBA magdala og maghinungdanong papel sa paghatag og igong kadasig sa mga Amerikanhon kon ugaling luwas nga mobalik sa korte ang mga players taliwala ning makalisang nga virus.
- Latest
