Donaire dunay tambag ning panahon sa krisis
CEBU, Philippines — Kon ugaling mahuman na kining krisis panglawas nga mihamok karon sa tibuok kalibotan, si Nonito Donaire Jr. dunay tsansa nga modaog og laing world boxing title.
Si Donaire gikatakda unta nga mohagit ni WBC bantamweight champion Nordine Oubaali sa France didto sa Los Angeles sunod bulan, apan ang away gisibog sa wala pa hisayring petsa gumikan sa coronavirus.
Apan ning panahona, dili boksing ang gihuna-huna ni Donaire kondili ang kaayohan ug kaluwasan sa iyang pamilya.
Ang 37-anyos nga si Donaire nagpuyo karon sa ilang balay didto sa Las Vegas uban ang iyang asawa nga si Rachel ug ang duha nila ka mga anak nga si Jarel, 6-anyos ug Logan, 4-anyos.
"We're mostly staying indoors," matud pa ni Donaire segun sa taho ni Quinito Henson sa The Philippine STAR, igsuong mantalaan sa Banat News.
Aron makasugakod niining krisis nga mihasi sa tanan, si Donaire mipaambit og lima ka punto nga tambag.
"First, thank God for your health and family and the time you are being given … pray," matud pa niya. "Second, focus on your health and safety. We all made great resolutions and now, God has given us that time to fulfill them and taken all distractions out."
"Third, stay positive. Remember that stress lowers the immune system. Fourth, go into your backyard and get fresh air and sun. Finally, love! Love one another, not just your family but your neighbor. We are in this together. Be kind to the next person you are speaking with."
- Latest
