Pacquiao negatibo sa COVID-19
Emmanuel B. Villaruel (Banat) - March 30, 2020 - 12:00am

CEBU, Philippines — Gipahibalo ni Senator Manny Pacquiao  nga sukad siya naabot sa ilang balay human sa ispesyal nga sesyon sa Senado niadtong Marso 23, nagsugod dayon siya og quarantine sa iyang kaugalingon agi'g pagsunod sa mando sa kagamhanan.

Sa miaging adlaw, si Pacquiao gipadad-an og suwat sa kapitana sa Barangay Dasmarinas nga si Rosanna Hwang aron pahibaw-on ang Pinoy ring star nga usa siya ka PUM kon person under monitoring.

Kini human nag-viral sa social media ang video diin makita si Pacquiao nga nag-party sa iyang balay kauban si Senador Koko Pimentel nga bag-o pang nag-positibo sa COVID-19.

Apan giklaro ni Pacquio nga sa wala pa niya madawat ang maong suwat, hagbay ra siyang nag-quarantine.

"Even before I received the letter coming from Dasmariñas village chair Rosanna Hwang, I already adopted a self-quarantine measure," matud pa ni Pacquiao segun sa taho ni Aquiles Zonio sa Philboxing.com.

"Starting March 23, upon arrival home from the Senate special session, I have not gone anywhere. I just stayed home with my family," dugang pa niya.

Nagkanayon si Pacquiao nga isip usa ka lider, gikinahanglan nga mopakita siya og maayong ehemplo sa mga katawhan ug maoy numero unong mosunod sa balaod.

Sa susamang taho ni Zonio, gipahibalo ni Pacquiao nga nag-negatibo siya sa coronavirus human nagpa-test gamit ang usa sa mga rapid testing kits nga gidonar kaniya sa usa ka suod niyang higala sa South Korea.

Aprubado ang maong rapid test kit sa South Korea, apan aprubahanan pa kini sa Department of Health ug Food and Drugs Administration dinhi sa nasud.

PACQUIAO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with