NBA analyst taptan sa virus
CEBU, Philippines — Giangkon ni NBA analyst Doris Burke nga positibo siya sa novel coronavirus (COVID-19).
Gipadayag kini sa labing unang babayeng analyst sa NBA pinaagi sa usa ka podcast uban ni Adrian Wojnarowski sa ESPN kagahapong adlawa.
"I could not be out of bed for five minutes... I thought to myself, 'It seems to me I should probably get tested'," matud pa ni Burke kabahin sa mga sintomas nga iyang nabatyagan.
Nagkanayon si Burke nga mikonsulta dayon siya sa mga batid ug misantop sa iyang huna-huna nga lagmit iyang nakuha ang virus sa pagsige niya og biyahe.
Maayo hinuon ang pagkarekober ni Burke sa maong sakit.
Ang 54-anyos nga si Burke ilado kaayo nga sports announcer sa Amerika.
Miduwa siya og basketbol sa kolehiyo uban sa Providence Friars diin siya nahimong sakop sa Hall of Fame niadtong 1999.
Niadtong 2018, si Burke gibayaw ngadto sa Naismith Memorial Basketball Hall of Fame.
- Latest
