50 na ang daog sa Bucks
Emmanuel B. Villaruel (Banat) - February 27, 2020 - 12:00am

CEBU, Philippines – Mirehistro og 19 puntos ug milangkat sab og 19 ka rebounds si Giannis Antetokounmpo alang sa Milwaukee Bucks nga mikulit sa ika-50 nilang daog niini nga season human gitumba ang defending NBA champion Toronto Raptors, 108-97, kagahapon didto sa Scotiabank Arena sa Toronto, Canada.

Si Antetokounmpo mihatag sab og walo ka assists sa maong daog.

Ang Raptors maoy naglabaw sa halftime sa iskor nga 52-50, apan ang Bucks mipabuhagay og eksplosibong opensiba sa ikatulong kuwarter, 34-19, hinungdan sa pagrehistro nila og 13 puntos nga labaw, 84-71  sa nahibiling 12 minutos sa aksiyon.

Nakasikit ang Raptors ngadto na lang sa siyete puntos, apan mao na kadto ang katapusan nilang utong gumikan kay si Antetokounmpo milansang og hagpok kaayong 3-pointer aron pag-inat sa labaw sa Bucks ngadto sa 104-94 sa himalatyong segundos  sa duwa.

Dako sab og naambag si Khris Middleton nga mihipos og 22 puntos, walo ka rebounds ug tulo ka assists ug ingon man sila si Eric Bledsoe ug Brook Lopez nga nagkumbinar og 32 puntos alang sa Bucks.

Bitbit ang 50-8 record nga maoy labing nindot sa NBA karon nga season, ang Bucks sud nang daan sa playoffs.

Samtang ang Raptors natagak ngadto sa 42-16 alang sa ikaduhang puwesto sa Eastern Conference.

Si Pascal Siakam maoy nangu sa Raptors uban ang 22 puntos, samtang si Fred VanVleet mitali og 14 puntos sa pilderong kawsa.

Sa lain pang mga resulta, ang Indiana Pacers milubong sa sa Charlotte Hornets, 119-80,  ang Oklahoma City Thunder mipakaging sa Chicago Bulls, 124-122.

Midaog sab ang Sacramento Kings dihang ilang gipaluhod ang Golden State Warriors, 112-94, ang Denver Nuggets midispatsar sa Detroit Pistons, 115-98 ug ang Boston Celtics mipukan sa Portland TrailBlazers sa iskor nga 118-106.

BUCKS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with