AMCOD, Jas Burger lider sa ilang tagsa-tagsa ka dibisyon sa 1st DBL
Yoyo R. Abayan (Banat) - February 26, 2020 - 12:00am

CEBU, Philippines — Parehong mikulit og dominanteng kadaogan ang AMCOD Thur Blazer ug Jas Burger batok sa managlahi nilang mga kontra aron temporaryong mag-una sa standing sa ilang tagsa-tagsa ka dibisyon sa 1st Dayon Basketball League (DBL) Invitational Tournament niadtong  Domingo diha sa Sambag 1 Sports Complex, Cebu City.

Gilubong sa AMCOD ang S.B. Ballers, 90-57 aron mailog ang liderato sa bracket A uban ang 4-1 nga baraha, samtang gilat-an sab sa Jas Burger ang ALFA, 102-70 aron magpabiling wa'y pilde sa bracket B sa ilang 4-0 win-loss record.

Balanse ang opensa sa AMCOD ug timaan niini mao nga lima sa ilang mga magduduwa ang miiskor og double figures.

Sila si Pablo Cabrera ug Lina Baguio nagkumbinar og 35 puntos aron mangulo sa scoring sa AMCOD nga dominante kaayo gikan sa pagsugod hangtod nahuman ang duwa.

Ang AMCOD miposte og 37-19 sa halftime, apan wala pa kini matagbaw ug ila pa nga gibingat ang labaw ngadto sa 63-38 paingon sa fourth quarter.

Ang S.B. Ballers napilit gihapon sa ikaupat nga dapit bitbit ang 2-2 nga baraha.

Sa laing bahin, si Andres Cuizon mipahaguros og 32 puntos aron mangulo sa unom ka Jas Burger players nga nakaiskor og double figures.

Sayes puntos ra unta ang labaw sa Jas Burger human sa unang 10 minutos sa duwa, apan nanulod ang ilang opensa sa second period ug mihugot pa ang depensa nila nga nakapalubong og maayo sa ALFA pagtapos sa first half, 50-28.

Namintinar sa Jas Burger ang double digits nilang labaw hangtod naangkon ang makabungog nga kadaogan.

Ang ALFA padayong nangiwit sa bracket B standing nga wala pa'y daog sa tulo ka duwa.

Sa pikas bahin, ang Karahus midaog nga walay hago human ma-forfeit ang Shawn Arjud.

Gumikan niini, naputol ang nagkadinang tulo ka pilde sa Karahus.

Ang Karahus aduna na'y 1-3 nga baraha, samtang ang Shawn Arjud wala pa'y daog sa upat nila ka duwa ning maong liga nga giorganisar ni konsehal Allan Glen Abella.

Ang liga  gipaluyohan sa Dayon Enterprises & Printing Press, AJ Sportswear, Atisor Cakes Art 'N Design, Sisig Teriyake ug Cebu's Tasty. Ang mga duwa ubos sa superbisyon ni Edwin Dejacto, inabagan nilang Bede Sungahid, Talyo Tamara, Tedy Cabanada ug Paw Dejacto sa CEBRA.

PUNTOS MATAG USA

 

Unang duwa:

AMCOD (90) – Cabrera 18, Baguio 17, Geraldizo 16, Torrecampo 15, Hoybia 12, Cabanero 6, Magalang 4, Lariosa 2.

SB BALLERS (57) – Baylon 13, Billones 12, Ruiz 9, Esgana 6, Magbanua 6, Jimitch 5, J. Esgana 3, Calinawan 3.

Ikaduhang duwa:

JAS BURGER (102) – Cuizon 322, Arcelo 16, Alcarez 13, Canedo 12, Bermoy 11, Sumampong 10, Rosano 8.

ALFA (70) – Naya 13, Lagunda 10, Batiancilla 10, Mejia 9, Solon 6, Ricaplaza 6, De Dios 4, Pesoli 4, Vergara 2, Duragos 2, Estrada 2, Maderazo 2.

AMCOD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with