Antetokounmpo mibida sa Bucks, 76ers gilampaso
CEBU, Philippines — Miarte na usab ang reigning MVP nga si Giannis Antetokounmpo human siya mirehistro og 31 puntos ug 17 ka rebounds aron pangulohan ang East No.1 team nga Milwaukee Bucks sa 119-98 nga kadaugan batok Philadelphia 76ers kagahapon.
Si Giannis mipatilaw sa Sixers sa iyang kabangis sa opensa lakip na ang 11 puntos sa third period nga maoy nakapabiya nila og layo sa iskor.
Gipahimuslan ni Giannis nga wala ang sinaligang sentro sa Sixers nga si Joel Embiid sa third period human kini mabutang sa foul trouble.
“We came out the third quarter and played fast,” matud ni Antetokounmpo. “We were able to rebound the ball and just attack them. Joel had four fouls. That worked in our favor. We tried to be aggressive in the third quarter and set the tone.”
Sa maong kadaugan, ang Bucks maoy nagkupot sa labing nindot nga rekord karon sa liga sa ilang 48-8.
Sa wala pa gipalingkod og sayu si Embiid, ang Sixers miduwa usab nga wala ilang All-Star point guard nga si Ben Simmons sa first period human misakit og kalit ang buko-buko niini. – Lemuel P. Maglinte
Casimero gipasidan-an nga di mokompiyansa batok Inoue
Way duda nga taas ang kompiyansa ni WBO bantamweight champion Johnriel Casimero nga mupatilaw og pilde sa Japanese superstar nga si Naoya Inoue sa ilang sangka sa Abril didto sa Las Vegas.
Hinuon ang sikat nga Pinoy boxing columnist nga si Dennis Principe mipasidaan sa Pinoy knockout artist nga dili balewalaon ang kusug ni Inoue kinsa maoy nagkupot sa WBA, IBF ug Ring Magazine belts.
Si Principe nakabantay nga gigulat na ni Casimero si Inoue atol sa mga pamahayag niini sa press conference alang sa ilang away ug posible nga magpalagot kini sa Hapon.
“For the first time nagta-trash talk na si Casimero lately and knowing him personally, medyo nagulat ako,” matud ni Principe.”I just hope na hindi ito ’yung case na nagkakaroon ng sobrang confidence, because you need just enough confidence against Inoue.”I really believe that (Inoue) is the ultimate king of this division so on the part of Casimero, he should take this opportunity to claim yung kingdom na ito.”
- Latest
