Clippers kaging sa Kings

CEBU, Philippines —  Sa ikaduhang higayun karon nga season, gipakaging sa Sacramento Kings ang Los Angeles Clippers, 112-103, sa kaugalingon nilang balwarte didto sa Staples Center sa Los Angeles, California.

Batok sa mas gipaboran nga Clippers, ang Kings sa pagpangulo ni Kent Bazemore migamit sa ilang nagbagang opensa aron pahilumon ang gatusan ka mga Clippers fans. Si Bazemore adunay 23 puntos, samtang ang shooters nga sila si Bogdan Bogdanovic ug De’Aron mitampo og 20 puntos.

“We’re feeling a lot better about ourselves now,” matud ni Fox sa NBA.com. “Obviously we need to keep this going, but we came out of the All-Star break and we were prepared. We’re in a good place right now. We can only control ourselves as far as the rest of the season goes, but we’re feeling good.”

Ang Kings milabaw og 14 puntos sa second half sa wala pa miapas ang Clippers, apan wala gihapon nailog sa nauwahi ang daog human usab kay misumbalik og laing ratsada ang Kings sa third period.

Ang Clippers miduwa nga wala ilang All-Star nga si Paul George ug sinaligang defender nga si Patrick Beverly.

Nangulo sa Clippers ang reigning finals MVP nga si Kawhi Leonard nga adunay 31 puntos. Si Lou Williams ug Montrezl Harrell adunay 24 ug 16 puntos matag usa.

“We had a lot of different people helping out, and it felt good,”matud ni Kings coach Luke Walton. “We were solid for most of the game. We had a couple of drop-offs where we got a little sloppy, but it was one of our more consistent games.”