Uytengsu positibo sa Alaska

CEBU, Philippines — Dako og salig ang Cebuano team owner sa Alaska Aces nga si Wildfred Uytengsu nga mabalik na iyang koponan isip usa sa mga playoff contender sa PBA sa nagsingabot nga 45th season sunod buwan.

Si Uytengsu nalipay sa nakita niya nga bata, apan mas milambo nga Aces nga maningkamot nga mamawi human sa ngil-ad nila nga performance sa miaging season diin galugos sila pagsud sa playoffs sud sa tulo ka conferences.

“I like the new guys. A lot of good contributions from the new guys. It’s a good mix between the young and the old, the veterans and the rookies and the young guys,” matud pa niya sa Spin.ph.

Sa pagretiro sa iyang sinaligang bigman nga si Sonny Thoss, si Uytengsu naghinam-hinam sa ipakita sa Fil-American nga si Abu Tratter nga usa sa mga bag-ong adisyon sa koponan.

Laing mga bag-ong sinaligan sa Aces mao sila si Robbie Herndon, Rodney Brondial ug Mike Digregrorio.