Fury mikastigo ni Wilder, bag-ong hari sa heavyweight
CEBU, Philippines — Hingpit na nga gikoronahan isip bag-ong hari sa heavyweight division ang Briton nga si Tyson Fury human niya gipaundang sa seventh round ang karibal ug kanhi undefeated American nga si Deontay Wilder sa ilang rematch kagahapon didto sa MGm Grand Garden Arena sa Las Vegas.
Human sa ilang kontrobersiyal nga unang sangka 14 ka buwa na ang milabay, miresulta sa tabla ang sinukmagay sa duha, apan giseguro ni Fury nga makuha na gyud niya ang WBC heavyweight title human niya gilatos si Wilder.
Bisan pa og tambok siya itandi ni Wilder, milutaw ang kaiglas ni Fury nga migamit sa iyang paspas nga jabs ug straights aron tay-ogon si Wilder kinsa galisud usab pagamit sa iyang gisaligang hooks sa maong sangla. “The king has returned to his throne,’’ matud pa ni Fury sa Associated Press.
Sa wala pa ang seventh round TKO, si Fury mipatumba na usab ni Wilder sa third round ug fifth round. Nagkadugo usab ang dunggan ni Wilder agi sa gisi human matapsingan sa hait nga sukmag sa Briton. Sa maong kapildehan, naputol ang nagkutay nga 11 fight title defense ni Wilder sukad nga gihuptan niya ang bakus niadtong tuig 2015.
Aduna hinuon atangan nga ikatulong sangka human anaa sa kontrata nga magsangka pa sila pag-usab, apan depende na kini sa negosasyon tali sa duha ka heavyweight stars.
- Latest
