ARQ Builders, KCS nagpabiling wa'y pilde sa Cebu Charter Cup
CEBU, Philippines — Gipayaka sa ARQ Builders/KSB Glass ug Kiboy's Computer Solutions (KCS) ang tagsa-tagsa nila ka mga karibal aron pagpabiling wa'y pilde sa Mayor Edgardo C. Labella 1st Charter Cup Basketball Tournament niadtong Huwebes sa gabii diha sa Cebu City Sports Institute gym.
Si Ferdinand Lusdoc mitagak og 21 puntos uban ang lima ka rebounds sa dihang gipakaging sa ARQ Builders ang ASPA, 92-80 aron inaton ang sagunson nilang daog ngadto sa tulo ka duwa.
Miiskor si Jojo Tangkay og 16 puntos, samtang sila si Shaq Imperial ug Lyndon Gomez miamot og 12 puntos matag usa alang sa ARQ Builders nga milusad og 30-16 nga rally sa ikatulong kuwarter aron kontrolahon ang duwa sa hingpit, 69-57.
Sa laing bahin, ang KCS miposte sab sa ikatulo niining sunod-sunod nga daog human gilubong ang LM Paragsa, 98-79.
Miratsada si Melvin Butohan og 15 puntos, si Ted Saga miposte og 13 puntos, samtang si Harold Cincoflores mikadlit og 11 puntos sa KCS nga nagmangtas sa second half aron ilubong ang LMP og 19 puntos.
Sa laing aksiyon, ang Fighter 50 Wine nagsandig sa balanse niining ataki aron pakagingon ang Athalia 1 on 1 sa iskor nga 94-82.
Si Danny Aying mihipos og 19 puntos, si Dyll Roncal mikolekta og 18 puntos, samtang si Jaybie Mantilla mipupo og 17 puntos alang sa Fighter 50 nga miinat sa ilang baraha nga sa 2-1.
Mikisaw sab si konsehal Dondon Hontiveros sa Fighter 50 miamot og 16 puntos.
- Latest
