Aksiyon sa NBA balik karon
Lemuel P. Maglinte (Banat) - February 21, 2020 - 12:00am

CEBU, Philippines – Gipasidan-an ni kanhi MVP James Harden ang ilang mga kaatbang nga dili ipakaubos ang ilang abilidad ug angay silang isipon nga usa sa mga lig-ong NBA title contender paingon sa playoffs.

Human tulo ka adlaw nga pahuway sa NBA, ang Rockets mobalik sa aksiyon karong adlawa diin ilang sangkaon ang nagkagidlay nga Golden State Warriors.

Daghang kilay ang  miisa sa kalit nga desisyon sa Rockets nga moporma og usa ka 'small ball' line-up. Laktod pagkasulti, mubo ang ilang line-up.

Kahinumduman, nga ang Rockets mibuhi sa ilang 7-footer center nga si Clint Capela pinaagi sa trade aron sugdan ang gitawag nila nga paspas ug abtik nga line-up nga dili magsalig og bigman. 

"We're not smaller — obviously height-wise we are. But heart. Each individual got big hearts. We can compete with anybody," matud pa ni Harden sa talkbasket.net.

Daghan ang   interesado sa gibuhat karon sa Rockets ilabi na nga gibutang nila sa center position ang 6-foot-6 nga si PJ Tucker.

Uban nila ni Harden ug Tucker sa starting five ang All-Star nga si Russell Westbrook, Eric Gordon ug Robert Covington nga pulos guwardiya ang posisyon.

Sa ilang duwa sa Warriors karon, si Harden miingon nga ipakita nila kon unsa kaepektibo ang ilang line-up. Ang Rockets anaa sa ikalimang  dapit sa Western Conference standing sa ilang rekord nga 34-20, apan masaligon si Harden nga moratsada sila paingon sa playoffs.

Sa ubang mga duwa karon, ang No. 1 sa Eastern Conference nga Milwaukee Bucks makigsangka sa Detroit Pistons, samtang ang Memphis Grizzlies makigbatok sa Sacramento Kings. 

Ang Miami Heat laraw usab mopadako sa ilang tsansa sa playoffs sa ilang sangka batok Atlanta Hawks. 

NBA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with