1st Coach A Inter-Campus Basketball Tournament kasado na

CEBU, Philippines – Andam na ang tanan alang sa labing unang Coach A Inter-Campus Basketball Tournament (CABT) nga mosikad karong Marso 1 diha sa Sacred Heart School-Ateneo de Cebu Mango Campus gym.

Ang mga partisipanteng koponan nagagikan sa upat ka campus sa Coach A sa Minglanilla, Cebu City, Consolacion ug Lapu-Lapu City.

Moduwa sila og single round robin diin ang top 2 teams maoy mag-abot sa kampiyonato.

Mga kategoriya nga kumbatihan mao ang Under 12, Under 18 ug dads/parents.

"I'm holding this tournament to give experience to the players among their Coach A co-students," matud pa ni  Coach A Basketball head Kareem Alocillo. 

"Also, I included the dads/parents as one of the categories so that their sons will be encouraged that their dads are playing the game they love too."

Ning torneyo, ang tanang mga players magsul-ot og uniporme nga sama og desinyo sa LA Lakers agi'g pagtamod ug pagyukbo sa Coach A ni NBA legend Kobe Bryant.