ARQ Builders, KCS 2-0 na sa Cebu City Charter Cup
Emmanuel B. Villaruel (Banat) - February 21, 2020 - 12:00am

CEBU, Philippines – Ang ARQ Builders/KSB Glass ug Kiboy's Computer Solutions (KCS) milampurnas sa tagsa-tagsa nila ka mga kontra alang sa ikaduha nilang sagunson nga daog sa Mayor Edgardo C. Labella 1st Charter Cup Basketball Tournament niadtong Miyerkules sa gabii didto sa Cebu City Sports Institute gym.

Sila si Ferdinand Lusdoc ug John Abad parehong mitali og 17 puntos alang sa ARQ Builders nga nagmangtas sa naghinapos nga bahin sa duwa aron patikalbungon ang LM Paragsa, 111-98.

Si Jojo Tangkay dunay 16 puntos, si Franklin Nailon midugang og 13 puntos, samtang si Ronan Isidro mihipos og 10 puntos sa ARQ Builders nga alkansi og tres puntos. 77-80 human sa tulo ka kuwarter.

Apan ang ARQ Builders ni coach Marvin Caro milusad og 34-18 rally sa endgame aron paksiton ang LMP.

Sama sa ARQ Builders, ang KCS milayat ngadto sa ikaduha nilang sunod-sunod nga daog pinaagi sa pagdemolis sa Fighter 50 Wine, 83-65.

Si Ted Saga mikolekta og 16 puntos, samtang si Vincent Minguito mikadlit og 12 puntos alang sa KCS nga mikastigo sa Fighter 50 gikan sa pagsugod ug wala na paginhawaa pa ang ilang kaatbang sukad miposte og 51-24 nga labaw sa halftime.

Sila si Rino Berame ug Harold Cincoflores dako sab og natampo sa KCS. Si Berame dunay nuybe puntos ug 10 ka rebounds, samtang si Cincoflores miiskor lamang og nuybe, apan mipasa og 13 ka assists.

Sa laing resulta, si Frangel Omolon mitagak og 25 puntos,  samtang si Jestoni Baclaan mitimbre og 20 puntos sa ASPA nga mipukan sa Athalia 1 on 1, 87-76 alang sa una nilang daog.

ARQ BUILDERS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with