Tso 'n company pabiling lider sa bracket a sa 1st DBL Caging
CEBU, Philippines – Nagpadayon ang paghari sa TSO 'N Company sa bracket A standing sa 1st Dayon Basketball League (DBL) Invitational Tournament.
Kini human midaog ang TSO 'N Company batok sa Shawn Arjud, 104-90 niadtong Domingo diha sa Sambag 1 Sports Complex, Dakbayan sa Sugbo.
Si Danilo Contado mipabuhagay og 29 puntos aron mangulo sa unom ka TSO 'N Company players nga miiskor og double figures.
Sa kasamtangan, ang TSO aduna na karo'y 3-0 win-loss record.
Kontrolado sa TSO ang duwa ug nakabaton sila og 54-39 nga bentaha sa halftime.
Nagpangamay ang kadaogan sa TSO sa third period sa dihang ang ilang 15 puntos nga labaw miburot og maayo ngadto sa 84-59 paingon sa fourth quarter.
Si Tony Abas mibagnos og 33 puntos aron pangulohan ang Shawn Arjud nga nangiwit sa standing sa ilang 0-3 nga baraha uban sa Karahus nga napilde sab ngadto sa AMCOD Thur Blazer, 57-91.
Ang AMCOD Thur Blazer nga aduna na'y 2-1 nga baraha gipangulohan ni Pablo Cabrera nga mikamada og 19 puntos.
Nagtangag sab og 2-1 nga baraha ang Bulldogs dihang ilang gihambat ang SB Ballers, 69-54 ubos sa pagpangulo ni Aron Suson nga mipugnit og 17 puntos.
Ang SB Ballers aduna na sa'y 2-1 nga baraha ning maong liga nga namugna pinaagi ni Sambag 1 barangay councilor Allan Glen Abella.
Kining maong liga gipaluyohan sa Dayon Enterprises and Printing Press, AJ Sportswear, Atesor Cakes Art 'N Design ug Cebu's Tasty. Ang mga duwa gipadagan ni Edwin Dejacto Sr. sa CEBRA.
PUNTOS MATAG USA
Unang duwa:
BULLDOGS (59) – Suson 17, Abella 16, Bong 10, Manugas 10, Tagimacruz 6, Ybañez 6, Salas 2, Nellas 2.
SB BALLERS (54) – Baylon 13, Cabanilla 12, Gacho 7, Jacalan 7, Gacho 7, Esgana 4, Calinawan 4, J. Micht 3, Navaja 2, Magbanot 2.
Ikaduhang duwa:
AMCOD (91) – Cabrera 19, Torrecampo 15, Artiaga 13, Cabanero 12, Geraldizo 9, Magalang 9, Larosa 4, Nini 4, Senining 4, Palacios 4.
KARAHUS (57) – Maru 13, Cabugnason 12, Senining 9, Puerto 8, Geraldez 6, Dequilla 5, Mabato 5, Englis 4.
Ikatulong duwa:
TSO (104) – Contado 29, Santisas 14, Romano 14, Girasol 13, Labaya 10, Castro 10, Senarillos 8, Flores 4, Talas 2.
SHAWN Arjud (90) – Abas 33, Gallarde 15, Bardon 14, Macitive 12, Militar 11, Asentista 5.
- Latest
