Cebuano sharpshooter magsagubang og bag-ong hagit
CEBU, Philippines – Ang Sugboanong sharpshooter nga si Roygbiv 'Roy' Barro magsagubang og bag-ong hagit sa iyang karera human siya gi-recruit sa usa ka Grand Master aron mamahimong sakop sa Laguna Practical Shooters Group (LAGPSG) nga gilangkuban og pipila sa labing hait nga mga shooters sa nasud.
Si LAGPSG President Alfredo 'Jun Catz' Catalan Jr. nagkanayon nga ilang gikuha si Barro isip kabahin sa ilang misyon nga tabangan og baid ang abilidad sa mga batan-ong shooters ug giyahan sila aron mamahimong mga kampiyon nga makadala og dungog ug garbo sa nasud sa mga internasyonal nga mga kompetisyon ugma damlag.
Si Barro naglantaw sa sa bag-ong panid sa iyang karera uban ang tumang kahinam ug kadasig.
"It’s an honor and a privilege because I am now part of a group (LAGPSG) that has members that are highly trained individuals and also considered the best of the best in the Philippines. Also, this is a gun club that is well respected and they are one of the best gun clubs in the whole Philippines not just in Manila," matud pa ni Barro. "I would like to thank sir Jun Catalan for noticing my potential in shooting and invited me to become a member of his beloved gun club which he is the president right now."
Ang 19-anyos nga si Barro nga hapit miharos og daog sa mga torneyo nga iyang gisalmotan sa miaging tuig, misaad nga hatagan niya og maanindot nga representasyon ang LAGPSG subay sa iyang kapasidad ug kutob sa iyang makaya. Ubos sa paggiya sa LAGPSG, si Barro bunyagan dayon og kayo gumikan kay mopakita man siya og aksiyon sa Lorenzana Cup, usa ka Level III competition n ga kabahin sa World Shoot Qualifiers nga gikatakda karong Marso 5-8 didto sa T'boli, South Cotabato.
Ang mga mananaog sa upat ka adlaw nga tinirahay didto sa T'Boli dunay tsansa nga masakop sa Philippine team alang a IPSC Word Shoot XIX karong Nobi7embre 28 ngadto sa Disyembre 5 didto sa Pattaya, Thailand.
- Latest
