Summer League Basketball tournament 2020 andam na

CEBU, Philippines — Andam na ang tanan alang sa pagpahigayon sa Summer League Basketball Tournament 2020 karong Pebrero 23 diha sa Sacred Heart School  old  campus sa Mango Avenue, Cebu City.

Unom ka teams ang magtigi sa titulo ug dungog.

Ang mga koponan nga mopakita'g aksiyon uban sa ilang team managers ug key players mao ning mosunod. 

Cocoroj Construction Supply ni Roger Cardenas nga bidahan nilang Charlie Ocanada, Rafraf Panares, Dan Cardenas, Dindo Visayas ug Pitoy Mata. 

ARB Enterprises nilang Rizalino ug Analiza Bato ug ang mga key players nila mao silang Paul John Baguio, John Onin Baldo, Joseph Gabato, Alex Gomez ug Ryan Geonzon. 

Basic Engineering ni Rey Carlos uban sa iyang mga sinaligan nga sila si Jessieboy Sanchez, Earl Sanchez, Nico Ravena, Roland Lumontad ug Martin Carlos.

Sir Nabz Foods ni Jojo Nabong nga bidahan nilang Jay Arellano, Mario Panoncillo, Soc Ramas, Melchor Almonicar ug Roland Cadiz. 

Javier Ceramics Design ni PJ Penera diin ang iyang mga sinaligan naglakip nilang Marco Booker Panta, Kenn Rolf Nuñez, VM Cempron, Jun Ihalas ug Onel Penera. 

Jhan Transport ni Jimmy Butad nga bidahan nilang Ernie Ygot, Charlie Lumasag, Jessie Binolirao, Bimboy Flores ug Chikoy Bauntad.

Moduwa sila ubos sa single round robin format sa elimination diin ang top 4 moabante sa crossover semifinals.  Ang mga mananaog magsangka knockout finals, samtang ang mga pildero mag-ilog na lang alang sa ikatulong puwesto.

Ang pito ka Domingo nga torneyo giorganisar nilang Joffrey Banaag, Marvin Sillar, Al Kinkito ug Cesar Ramos.