Kobe masentro karon sa All-Star game
CEBU, Philippines — Subling mag-abot ang mga NBA superstar alang sa tinuig nga NBA All-Star Game tali sa Team LeBron ug Team Giannis, apan giatangan nga mas emosyonal karon tungod usab kay gipahinungod ang maong duwa alang sa mipanaw nga NBA legend nga si Kobe Bryant.
Di sama sa mga miaging All-Star, lahi ang format sa maong duwa nga giusab tuyo usab aron mahatagan nila og paghinumdum si Bryant kinsa nakalas uban iyang anak nga si Gianna ug laing pito human mahagsa ang ilang gisakyan nga helicopter niadtong miaging semana didto sa California.
Si NBA Commissioner Adam Silver mi-anunsiyo usab nga ang Al-Star Game MVP trophy tawgon na og Kobe Bryant trophy.
“We know that he’s watching over us,” matud pa ni Lakers star ug suod nga higala ni Bryant nga si LeBron James. “It’s our responsibility to just represent the purple and gold not only for him but for all the greats, everybody that’s ever come through the Lake Show. I really don’t want to sit up here and talk about it too much. It’s a very, very sensitive subject, but he’s with us every day.”
Si Bryant usa ka five-time All-Star ug kaupat usab siya nahimong MVP sa maong event.
Usa usab siya ka Slam-Dunk champion sa sayung bahin sa iyang NBA career.
- Latest
