Gilas pabiling ganado
Lemuel P. Maglinte (Banat) - February 17, 2020 - 12:00am

CEBU, Philippines — Bisan og gisibog ang  ilang duwa batok Thailand sa FIBA Asia Cup qualifiers, ang Gilas Pilipinas padayon gihapon sa ilang team practice niadtong miaging gabii diin daghan nga sakop sa national team pool ang mitunga.

Niadtong Biyernes, ang FIBA kalit nga  mideklarar nga dili una madayon ang first round sa FIBA Asia Cup qualifiers  ug usa ang Gilas sa  unang mopakita og aksiyon batok Thailand sa Pebrero 20.

Kini tungod sa padayong risgo nga dala sa corona virus nga mikatap na sa nagkadaiyang mga nasud. Nagsugod kini didto sa China niadtong Disyembre sa miaging tuig.

Ang FIBA nagplano nga ibalhin sa Hunyo o Hulyo ang duwa depende usab sa mga mahitabo kahabin sa corona virus.

Gipakita hinuon sa mga sakop sa Gilas sa pagpangulo ni coach Mark Dickel nga wala sila maapektohi sa pagsibog sa petsa sa ilang duwa.

Misalmot sa team practice mao ang mga bag-ong gilakip sa Gilas pool nga sila si Fil-American Abu Tratter ug Justin Chua. Wala hinuon miapil si Vic Manuel kay nanganak ang asawa niini.

Mitunga sab sa team practice sila si Poy Erram, Javee Mocon, CJ Perez, Roger Pogoy, Kiefer Ravena, Troy Rosario ug Marc Pingris uban ang mga batan-on nga sila si Juan ug Javi Gomez De Liaño, Isaac Go, Dave Ildefonso, Matt ugMike Nieto, Dwight Ramos, Thirdy Ravena, Jaydee Tungcab ug Cebuano Rey Suerte.

GILAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with