Uy Masuy Cup sudan na karon

CEBU, Philippines – Sugdan na ang labing unang Uy Masuy Cup Invitational Basketball Tournament karong alas-6 sa gabii diha sa Cebu City Sports Institute (CCSI) gym.

Tataw nga masentro sa atraksiyon ning tulo ka adlaw nga aksiyon mao ang Rucker Park team nga gilangkuban og mga Amerikanong magduduwa gikan sa New York.

Ang Rucker Park nga gipangulohan ni Rucker Pro Legends athletic trainer Simon Green makigharong batok sa Southwestern University (SWU)-Phinma Cobras, University of Cebu (UC) Webmasters, ug University of the Visayas (UV) Green Lancers ning maong torneyo nga libre sa publiko.