San Miguel mokampiyon bisan wala si Fajardo
CEBU, Philippines — Naglaum gihapon Marcio Lassiter nga mokampiyon gihapon ang San Miguel Beermen sa PBA All-Filipino Cup bisan wala si June Mar Fajardo nga dili makaduwa human makaangkon og injury sa tiil atol sa ilang team practice sayo ning semanaha.
Miangkon hinuon si Lassiter nga dako gyud og kuwang sa ilang koponan ang pagkawala sa Sugboanong sentro, apan dili angay nga pagamyon sa ubang koponan ang ilang abilidad tungod kay usa gihapon sila ka delikadong koponan.
Inay mabalaka, si Lassiter miingon nga naghinam-hinam sila sa dakong hagit ug ipakita nila nga kaya nila nga modominar nga wala ilang star center nga si Fajardo.
Nanganti si Lassiter nga daugon ang mga duwa sa elimination ug sakmiton ang ikaunom nilang sunod-sunod nga All-Filipino Cup title.
Midugang si Lassiter nga kon magpabilin silang himsog, ang mga nahibiling stars sa San Miguel may kapabilidad nga mosakmit og laing korona.
- Latest
