Mighty Philippines pabiling way pilde sa Dubai

CEBU, Philippines – Giinat sa pambato sa nasud nga Mighty Philippines Sports ang ilang winning-streak ngadto sa tulo human nila gilubong buhi ang Tunisia, 84-66, kagahapon sa 2020 Dubai International Basketball Championship didto sa UAE, Dubai.

Sama sa una nilang duha ka duwa, ang import tandem nila ni Andray Blatche ug Renaldo Balkman maoy midala sa scoring sa ilang 18 puntos matag usa.Dili lang hinuon ang mga imports ang mipakita og kaagresibo batok sa Tunisia ang mga sakop sa Gilas pool nga sila si Juan Gomez de Liano ug Thirdy Ravena nga nagkumboya og 22 puntos.

Ang Mighty segurado na og luna sa playoffs, apan ang koponan ni Charles Tiu gusto nga muharos sa group stage sa ilang pakigsangka sa Lebanon ugma.