Duwa sa LA Lakers batok Clippers gisibog

CEBU, Philippines – Ang mga players sa Los Angeles Lakers dunay dugang panahon aron magbangutan sa kamatayon ni Kobe Bryant sa dili pa sila mobalik sa korte.

Kini human gisibog sa NBA ang ilang duwa batok sa LA Clippers nga gikatakda karon untang adlawa. Ang sangka didto sa Staples Center, nga mao unta ang unang duwa sa Lakers didto sa ilang homecourt sukad sa pagkamatay ni Kobe Bryant tungod sa helicopter crash niadtong Lunes, i-iskedyul sa laing nga petsa.

Matud pa sa NBA nga ilang nakab-ot ang maong desisyon agig pagrespeto sa Lakers nga gibati og tumang kasubo gumikan sa pagpanaw sa giyukboan nilang legend.

Ang sunod nga duwa sa Lakers gikatakda karong Sabado didto gihapon sa Staples Center batok sa Portland Trail Blazers. Taliwala sa pag-uswag sa ilang duwa, ang Lakers miluwat sa labing una nilang komento sa publiko sukad sa pagkamatay ni Kobe. Ilang gipasalamatan ang ilang fans sa suporta niini samtang gi-angkon nga dili lalim ang sakit ug kagul-anan nga ilang gibati.

“The Los Angeles Lakers would like to thank all of you for the tremendous outpouring of support and condolences,” matud pasa Lakers sa opisyal niining pamahayag. “This is a very difficult time for all of us. We continue to support the Bryant family and will share more information as it is available.”