Half-baked nakatilaw og daog
CEBU, Philippines — Nakatilaw na gyud og daog ang Half-Baked sud sa tulo ka duwa nila sa Sunday.com Basketball League Season 6.
Munasginhawa hinuon ang kadaogan sa Half-Baked kay igo ra kining midaog og tres puntos batok sa 1Med, 75-72 niadtong Miyerkules diha sa Benedicto College gym sa A.S Fortuna St., Mandaue City.
Sila si Ian Luigi Cortes ug Werdy Lopez parehong mikandos og 19 puntos sa Half-Baked ni playing team manager Ian Sampang nga aduna na’y 1-2 record.
Ligas kaayo ang duwa gikan sa pagsugod, gani wala gyud makalabaw og daog ang Half-Baked matag human sa kuwarter.
Tulo sab ka players sa 1Med ang miiskor og double figures pinangulohan mismo sa team manager niining si Junaide Alindajao nga mitama og 14 puntos.
Bugtong ang 1Med na lang sa pito ka teams ang wala pa’y daog sa tulo nila ka duwa.
Sa laing aksiyon, ang Unisol mitala sa ilang ikaduhang daog pinaagi sa paglubong sa New Bloods, 98-87.
Kuyaw kaayo nakaduwa si Rex Tuazon ug gipangulohan ang Unisol pinaagi sa iyang 32 puntos.
Laing tulo ka players ni playing team manager John Paul Espija ang mirehistro og double figures aron magsolo sa ikaduhang dapit sa standing bitbit ang 2-1 nga baraha.
Ang New Bloods ni Neil Ibarita nga adunay 1-2 record, gipangulohan ni Harold Ebarle nga mibagnos og 19 puntos.
Ang liga gipadagan ni ballclub president ug commissioner Tata Nadera ug Atty. Sally Malig-on. – Yoyo R. Abayan
Unang duwa:
HALF-BAKED (75) – Cortes 19, Lopez 19, Cabahug 11, Remulta 7, Manzanares 7, Solon 6, Dudz 2, Sampang 2, Soon 2.
1MED (72) – Alindajao 14, Sanchez 13, Pepito 12, Bacus 8, Torini 7, Sesaldo 5, Magistrado 4, Besabella 3, Labrador 2, Cutamora 2, Jordan 2.
Ikaduhang duwa:
UNISOL (98) – Tuazon 32, Gela 18, Dela Peña 13, Araño 10, Cortes 9, Iñigo 8, Flaminia 5, Bercero 3.
NEW BLOODS (87) – Ebarle 19, Gabonada 17, Quiapo 13, Bacula 12, Ranolo 10, Rendon 6, Maisling 6, Inzola 2, Mendez 2.
- Latest
