Zion impresibo sa debut, apan Pelicans nahagba
Emmanuel B. Villaruel (Banat) - January 24, 2020 - 12:00am

CEBU, Philippines — Ang star rookie sa New Orleans nga si Zion Williamson mihimo og impresyon sa iyang NBA debut human siya mitali og 17 sa iyang 22 puntos sa katapusang kuwarter nga nakapahugyaw sa bagang panon sa ilang fans.

Apan dili igo ang pagmangtas ni Williamson gumikan kay ang Pelicans gibalhiboan man sa San Antonio Spurs, 121-117 sa ilang sangka kagahapon didto sa Smoothie King Arena sa New Orleans, Louisiana.

Sila si LaMarcus Aldridge ug DeMar DeRozan maoy nahimong   mga kontrabida sa pagbaraw sa Spurs sa labing unang duwa ni Williamson sa NBA regular season.

Si Aldridge miposte og 32 puntos ug 14 ka rebounds, samtang si DeMar DeRozan midugang og 20 puntos alang sa Spurs.

Ang Pelicans nabiyaan og 12 puntos human sa tulo ka kuwarter, apan gumikan sa pagbuto ni Williamson nakasikit sila ngadto na lang sa usa ka lugas, 108-109.

Apan sa usa ka surprisa nga lakang, gipagawas ni coach Alvin Gentry si Williamson nga gikadisyama og maayo sa ilang mga dumadapig nga nagpunay og tawag sa pangan ni Zion.

Sa katapusang higayon nakasikit ang Pelicans sa iskor nga 117-119 gumikan kay si Aldridge milansang og duha ka free throws aron silyohan ang daog sa Spurs.

Si Brandon Ingram miiskor og 22 alang sa Pelicans, apan nasipyat og 16 sa 22 niya ka itsa, samtang si Lonzo Ball mipupo og 14 puntos ug 12 ka assists sa pilderong kawsa. 

ZION
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with