Lakers namawi, gipahimungtan ang Knicks
CEBU, Philippines — Ang Los Angeles Lakers dali nga nakabawi sa makapadismaya nilang kapildihan sa mga kamot sa Boston Celtics ug gipahimungtan sa ilang kapungot ang New York Knicks, 100-92 sa NBA kagahapon didto sa Madison Square Garden sa New York.
Si LeBron James miiskor og 19 sa iyang 21 puntos sa first half, samtang ang iyang sidekick nga si Anthony Davis mibubo og 17 sa iyang 28 puntos sa second half alang sa Lakers nga sa wala pa makigsangka sa Knicks nakatilaw sa labing bati nilang pilde karong NBA season sa iskor nga 139-107 batok sa Celtics niadtong Martes didto sa Boston.
Ang Lakers nga miinat sa ilang rekord ngadto sa 35-9, nakakubit sab og 13 puntos gikan ni Kentavious Caldwell-Pope ug 10 puntos gikan ni Kyle Kuzma.
- Latest