LeBron, Lakers gipakauwawan
Emmanuel B. Villaruel (Banat) - January 22, 2020 - 12:00am

CEBU, Philippines — Gipatilaw sa Boston Celtics si LeBron James ug ang Los Angeles Lakers sa labing bati nilang pilde ning NBA season human ilang gilat-an ang haring gangis sa Western Conference, 139-107 kagahapon didto sa TD Garden sa Boston, Massachusetts.

Si Jayson Tatum mitagak og 27 puntos, samtang si Kemba Walker nagparamdam dayon sa iyang pagbalik gikan sa injury pinaagi sa pag-ayag og 20 puntos alang sa Celtics nga mipakgang sa tulo ka sagunson nilang pilde.

Mihimo sab og kasikas si Enes Kanter nga mitimbre og 18 puntos uban ang 11 ka rebounds alang sa Celtics nga napilde kaunom sa miagi nilang walo ka duwa sa wala pa kastigoha ang Lakers.

Mapahiubsanon hinuong gidawat ni James ang makapasagmuyo nilang kapildihan.

"They beat us in all facets of the game,"  matud pa ni James nga mihipos og 15 puntos ug 18 ka assists alang sa Lakers.

Ang Lakers nakahimo og 15 ka turnovers nga gigaling sa Celtics ngadto sa 28 puntos. 

Gawas niini, nabitin sab sila sa Boston sa rebounding, 48-36.

Sa laing aksiyon, si Ben Simmons mikadlit og career-high 34 puntos, 12 ka rebounds ug 12 ka assists sa dalaygon kaayong triple-double nga migiya sa Philadelphia 76ers ngadto sa 117-111 nga kadaogan batok sa Brooklyn Nets didto sa Barclays Center.

Wala sab magpabitin ang Milwaukee Bucks nga miinat sa labing nindot nga record sa NBA karon nga season ngadto sa 39-6 human giihaw ang Chicago Bulls sa iskor nga 111-98.

Ang reigning MVP nga si Giannis Antetokounmpo mirehistro og triple-double uban ang 28 puntos, 14 ka rebounds ug 10 ka assists alang sa Bucks nga mitali sa ikapito nilang sagunson nga daog.

Giabagan  sab siya ni Khris Middleton nga mibahog og 24 puntos.

Sa lain pang resulta, ang Miami Heat nagpabilin sa ikaduhang dapit sa Eastern Conference, apan nanginahanglan pa 

Una og overtime sa wala pa   bihaga ang Atlanta Hawks sa iskor nga 122-117. 

LEBRON
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with