Kai Sotto mibak-awot sa Mighty Phl
CEBU, Philippines — Dili madayon ang pagduwa ni Kai Sotto uban sa Mighty Sports PHL sa umaabot nga Dubai International Tournament nga sugdan karong semanaha.
Si Sotto gipaabot unta nga moduwa sa labing una niyang professional game diin ikauban niya ang mga veteran players ug imports sama nila ni Andray Blatche ug Renaldo Balkman. Apan gikompirmar kagahapon sa iyang amahan nga si Ervin Sotto nga dili na kini mopadayon sa pagduwa.
Ang 7-foot-2 gikataho nga maglisud sa iyang paglupad sa Dubai ug tungod sa mga iskedyul sa iyang training ug mga minor tournaments nga gisalmotan didto sa Estados Unidos diin siya nagbasi aron matuman iyang damgo nga makaduwa sa NBA.
Gisabot hinuon sa Mighty ang pag-atras ni Sotto ug pabilin silang determinado nga mokampiyon didto sa Dubai.
"Despite the absence of Kai, our team is still complete with a formidable line-up of young, athletic, very talented and inspired amateur players," matud pa ni Mighty coach Charles Tiu sa ESPN5.
Sa pagkawala ni Sotto, laing atangan mao ang UAAP MVP nga si Thirdy Ravena uban nila ni Gilas cadets Isaac Go, Dave Ildefonso ug managsuong Juan ug Javi Gomez de Liano.
- Latest