Lakers mipatugpa sa Rockets
Lemuel P. Maglinte (Banat) - January 20, 2020 - 12:00am

CEBU, Philippines — Bisan og wala pa gihapon iyang katimbang nga si Anthony Davis, pabilin ang kompiyansa ni three-time champion LeBron James ug iya na usab nga gipangulohan ang Los Angeles Lakers alang sa laing dakong kadaugan batok sa Houston Rockets, 124-115, kagahapon didto sa Toyota Arena sa Houston, Texas.

Si James mirakrak og 31 puntos ug midunol og 12 ka assists alang sa Lakers nga migamit sa ilang third quarter scoring run ang biyaan ang Rockets.

"We want to continue to get better," matud ni James sa NBA.com. "We want to stay on an even keel throughout the season, it's an 82-game season, and we did that."We had a chance to reshape, refocus and start the second half of the season the right way, and we did that."

Si Kyle Kuzma miiskor og 23 puntos, samtang sila si Danny Green ug Kentavious Caldwell-Pope mitampo og 20 puntos matag usa.

Dominante ang kadaugan sa Lakers bisan pa og mihimo og sobra sa 30 puntos ang duha ka superstars sa Rockets nga sila si Russell Wesbtrook ug James Harden nga adunay 35 ug 34 puntos matag usa.

Ang Rockets milabaw pa sa halftime, 65-59, apan nahugno ang mga fans sa ilang korte dihang bangis nga mibalik ang Lakers sa pagpangulo ni James.

Sa laing bahin, ang Milwaukee Bucks pabiling naglawig sa East dihang ilang gipanitan ang Brooklyn Nets, 117-97.

Ang reigning MVP nga si Giannis Antetokounmpo adunay 29 puntos ug 12 ka rebounds alang sa Bucks, samtang si Kyrie Irving mibida sa Nets sa iyang 17 puntos.

Sa ubang mga duwa, ang LA Clippers midaog batok New Orleans Pelicans, ang Detroit Pistons mipahagsa sa Atlanta Hawks, 136-103, ang Philadelphia 76ers mipatapsing sa New York Knicks, 90-87, ang Chicago Bulls midaro sa Cleveland Cavaliers, 118-116, ang Phoenix Suns misunog sa Boston Celtics, 123-119 ug ang Utah Jazz milatos sa Sacramento Kings, 123-101.

LAKERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with