Giannis nag-una karera pagka-MVP
CEBU, Philippines — Ang ang reigning Most Valuable Players nga si Giannis Antetokounmpo sa Milwaukee Bucks mao na sab ang nag-una sa karera pagka-MVP sa 2019-2020 NBA season.
Ang gibansagan nga 'Greek Freak' mi-average og 30.0 points, 12.7 rebounds, 5.5 assists, 1.2 steals ug 1.1 blocks aron tabangan ang Bucks ngadto sa labing nindot nga rekord sa liga karon uban ang 37-6.
Nahimutang sa ikaduhang dapit ang superstar sa Los Angeles Lakers nga si LeBron James.
Ang five-time MVP ug three-time NBA champion mipatak og 25.4 points, 7.7 rebounds, 10.9 assists ug 1.3 steals matag duwa.
Mipatong sa nagsunod nga tulo ka puwesto mao sila si Luka Doncic sa Dallas Mavericks, Jimmy Butler sa Miami Heat ug James Harden sa Houston Rockets.
Si Doncic dunay average nga 28.8 points, 9.8 rebounds, 9.0 assists ug 1.1 steals matag duwa, si Butler miposte og 20.5 points, 6.9 rebounds, 6.4 assists ug 1.9 steals matag duwa, samtang impresibo sab ang mga numero ni Harden uban ang 37.2 points, 7.5 assists, 6.2 rebounds ug 1.7 steals matag duwa.
Naglangkob sa top 10 nga mga kandidato pagka-MVP niini nga season mao sila si Anthony Davis sa LA Lakers, Kawhi
Leonard sa LA Clippers, Rudy Gobert sa Utah Jazz, Nikola Jokic sa Denver Nuggets ug Chris Paul sa Oklahoma City Thunder.
- Latest