Magic mipakgang sa Lakers
Lemuel P. Maglinte (Banat) - January 17, 2020 - 12:00am

CEBU, Philippines – Gipakuratan sa Orlando Magic ang  No. 1 team sa Western Conference  Los Angeles Lakers pinaagi sa pagpilde, 119-118 sa kulbahinam nilang duwa sa NBA kagahapon didto sa Staples Center sa Los Angeles, California.

Gawas nga midaog, gipakgang sab sa Magic ang siyam ka sunod-sunod nga daog sa Lakers.

Human mipahuway og dul-an sa usa ka tuig niadtong miaging season, ang kanhi No. 1 pick nga si Markelle Fultz mipakita sa iyang tinuoray nga abilidad dihang  mirehistro siya og 'triple-double' nga 21 points, 11  rebounds ug 10  assists alang sa Magic.

Si Aaron Gordon miiskor usab og 21 puntos, samtang si Wes Iwundu mikulit og 19 puntos alang sa Magic nga misaka sa ikapito nga dapit sa Eastern Conference sa ilang 20-21  record.

Ang Lakers miduwa gihapon nga wala ilang star bigman nga si Anthony Davis nga padayong nagpaalim sa injury sa hawak.

Nangulo sa Lakers si three-time champion nga  LeBron James nga adunay 19 puntos ug 19 usab ka assists.

Didto sa silingang korte sa Staples Center nga Golden 1 Center sa Sacramento, ang nanulong nga Dallas Mavericks  mipukan sa Kings sa iskor nga 127-123.

Sama sa gihapon, si Luka Doncic nahimong bida sa kadaogan human miposte og 25 puntos, 15 ka rebounds ug career-high nga 17 ka assists.

Sa ubang mga duwa, ang Detroit Pistons milubong sa  Boston Celtics, 116-103, ang Philadelphia 76ers  mikuniskunis sa Brooklyn Nets, 117-106.

Midaog sab ang   Mimai Heat batok sa  San Antonio Spurs, 106-100, ang Toronto Raptors  mipahilom sa Oklahoma City Thunder, 130-121, Gisungag sa Chicago Bulls ang Washington Wizards, 115-106, ang Indiana Pacers mitumba sa Minnesota Timberwolves, 104-99, ang Portland Trail Blazers  mipahagsa sa Houston Rockets, 117-107 ug  gilubong sa Denver Nuggets ang Charlotte Hornets sa iskor nga 100-86. 

MAGIC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with