Zion mag-debut sa NBA sunod semana
CEBU, Philippines – Nagpanikad na ang star rookie sa New Orleans nga si Zion Williamson sa iyang NBA debut karong Enero 23 (oras sa Pilipinas) dihang sangkaon sa Pelicans ang San Antonio Spurs didto sa ilang homecourt.
Ang Executive Vice President of Basketball Operations sa Pelicans nga si David Griffin maoy mikompirma ning maong kalamboan.
Kon mahinayon ang giatngan nga labing una niyang duwa sa liga, mao kini ang unang higayon nga si Williamson mopakita'g aksiyon sukad siya nayayay sa pre-season niadtong Oktubre 13. Mipaubos siya sa makuting rehabilitasyon human gioperahan ang tuo niyang tuhod niadtong Oktubre 21 kon usa ka adlaw sa dili pa ang ilang season-opening game batok sa Toronto Raptors.
Giklaro hinuon ni Pelicans coach Alvin Gentry nga limitado lamang nga minuto ang iyang ihatag ni Williamson sa higayon nga makabalik na kini og duwa. Ang iyang playing mag-agad kon unsay ipakita niyang salida sud sa korte.
Sud sa upat ka duwa sa pre-season, ang No. 1 overall pick sa miaging NBA Draft mi-average og 23.3 points ug 6.5 rebounds matag duwa.
- Latest