_banat
^

Banat Palaro

Magic, Jordan nagbangutan

Emmanuel B. Villaruel - Banat

CEBU, Philippines — Sila si Magic Johnson ug Michael Jordan maoy nangulo sa pipila ka mga NBA legends nga nagbangutan sa pagkamatay ni kanhi league commissioner David Stern kagahapong adlawa.

Si Stern, nga nag-edad og 77 anyos, nagsilbe nga NBA commissioner sud sa tulo ka dekada sa wala pa moretiro niadtong 2014. 

Ubos sa iyang liderato, ang NBA nakatagamtam og makabungog nga kalampusan dili lamang didto sa Amerika, apan hasta sab sa kalibutanhong bantawan sa paugnat sa kusog.

Mao nang ang NBA tataw nga nawagtangan og usa ka dakong haligi sa pagpanaw ni Stern.

"David Stern was such a history maker. When I announced in 1991 I had HIV, people thought they could get the virus from shaking my hand. When David allowed me to play in the 1992 All Star Game in Orlando and then play for the Olympic Dream Team, we were able to change the world," matud pa ni Johnson.

Sa iyang bahin, si Jordan nagkanayon dili makab-ot sa NBA ang nahimutangan niini karon kon dili pa tungod sa kalantip sa pangisip ni Stern.

Gawas nilang Johnson ug Jordan, mipadayag sab sa ilang pagyukbo ni Stern sila si LeBron James, Charles Barkley, Isaiah Thomas, Shaquille O'Neal ug Kobe Bryant. 

MAGIC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with