Mavs mipilde sa Spurs
Lemuel P. Maglinte (Banat) - December 28, 2019 - 12:00am

CEBU, Philippines —  Human sa upat ka adlaw nga pahuway, si Dallas Mavericks star Luka Doncic mipakita dayon sa iyang talagsaong katakus dihang gipangulohan niya ang koponan pagpukan sa  San Antonio Spurs, 102-98 sa NBA kagahapon didto sa American Airlines Center sa Dallas, Texas.

Si Doncic nga gipapahuway tungod sa ankle injury, nangigo dayon sa iyang pagbalik sa korte diin mirehistro siya og 24 puntos, 10 ka rebounds ug walo ka assists.

Ang Serbian mipakita nga angayan siya nga usa sa mga top All-Star prospect alang sa umaabot nga NBA All-Star Game nga gikatakda sa Pebrero sunod tuig.

Dominante ang Mavs sud sa tulo ka kuwarter ug milabaw pa gani sila og 17 puntos sa katapusang kuwatro minutos. 

Nakagukod hinuon ang Spurs ug nakan-an ang labaw ngadto sa kuwatro puntos sa  hinapos nga bahin sa duwa, apan wala sila makalahutay kay nahutdan sila og kusog.

Si Tim Hardaway mitampo og 17 puntos sa Mavs nga mikatkat sa ikalima nga dapit sa Western Conference uban ang  20-10 win-loss record. Si Kristaps Porzingis miamot og 13 puntos.

Nangulo sa Spurs si DeMar DeRozan nga mipabuhagay og 21 puntos.

Sa laing aksiyon, ang Detroit Pistons miputol sa ilang lima ka sunod-sunod nga pilde dihang ilang gilat-an ang Washington Wizards, 132-102. 

Gipangulohan ni  Christian Wood  ang Pistons pinaagi sa iyang 22 puntos, samtang sila si Blake Griffin ug Andre Drummond parehong miiskor og 14 puntos  sa maong kadaogan.

Didto sa Madison Square Garden, ang New York Knicks mipilde sa Brooklyn Nets sa iskor nga 94-82 sa pagpangulo ni veteran Julius Randle nga mikadlit og 33 puntos.

Sa uban pang mga resulta, ang  Memphis Grizzlies mipahilom sa Oklahoma City Thunder, 110-97, ang Minnesota Timberwolves nakaipsot sa ligas kaayo nga duwa batok sa Sacramento Kings, 105-104 ug ang Utah Jazz midaog sa Portland Trail Blazers sa iskor nga 121-115. 

LUKA DONCIC NBA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with