SK Consolacion, St. Francis sa Amicis tilt
Emmanuel B. Villaruel (Banat) - December 11, 2019 - 12:00am

CEBU, Philippines – Ang SK Consolacion ug St. Francis maoy labing uwahing mga koponan nga mikuyog sa panon sa mga daogan sa Under 29 category sa 1st Amicis Basketball League (ABL) didto sa Consolacion Sports Complex.

Luyo sa impresibong salida nilang Paolo Dalumpines ug Jon Abinales nga parehong miposte og double-double, ang SK Consolacion yanong mipilde sa Team SKBC, 104-82. Si Dalumpines mitapos uban ang 25 puntos ug 12 ka assists, samtang si Abinales mipupo og 23 puntos ug 12 ka rebounds.

Si Jessie Bathan miamot og 16 puntos, samtang si SK Federation President Carlos Donn Flores midugang og 14 puntos sa Consolacion.

Si Butch Tejero maoy laing double-digit scorer sa SK Consolacion bitbit ang 11 puntos.

Si Charles Alano mihipos og 29 puntos, si Jomarin Digol mikolekta og 17 puntos, samtang sila si Kier Semilla ug Ivan Wenceslao nagkumbinar og 22 puntos sa SKBC.

Sa laing duwa, si Rusty Aguilar maoy nangu sa upat ka player nga mirehistro og double figures uban ang 16 puntos sa dihang gipakgang sa St. Francis ang Cruz Amigos, 84-73.

Miamot si Dave Gervise og 13 puntos, samtang si Christian Avila miiskor og 12 alang sa St. Francis ni team owner ug coach Ryan Perez nga mikolapso human miposte og 30-14 nga labaw, apan nagsandig sa solido niining opensa sa naghinapos nga bahin sa duwa aron pag-angkon niini og 11 puntos nga kadaogan.

Si Engelbert Alinsug mitagak og 26 puntos, samtang si Maghinay mikamada og 14 puntos sa napilding Cruz Amigos.

SK CONSOLACION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with