Kai Sotto gisaytan sa Kentucky Wildcats
CEBU, Philippines – Nagkanaam og kahayag ang dalan ni Pinoy teen basketball sensation Kai Sotto paingon sa NBA.
Kini human ang 7-foot-2 nga si Sotto nakadawat og imbitasyon gikan sa Kentucky Wildcats, ang malampusong collegiate basketball team sa Estados Unidos.
Si Sotto uban iyang American trainers miadto sa University of Kentucky niadtong Martes ug nakigkita sa coaching staff sa Wildcats.
Sa pag-imbitar sa Wildcats sa Batang Gilas star, midako ang posibilidad nga adto moduwa sa kolehiyo si Sotto. Si Sotto atua sa Estados Unidos diin nag-ensayo aron mabaid ang iyang abilidad, apan nakuha niya ang atensiyon sa mga US NCAA scouts human sa iyang dominanteng gipakita sa usa ka high school tournaments didto sa Atlanta diin mi-average siya og double-double.
Si Sotto, kinsa giisip nga kaugmaon sa Philippine basketball, nalakip sa lista sa mga top young basketball prospects sa ESPN.
Ang University of Kentucky maoy gigikanan sa mga sikat nga NBA stars sama nila ni Anthony Davis, DeMarcus Cousins, Eric Bledsoe ug Devin Booker.
- Latest