'Bata' Reyes dili pa moretiro, moduwa gihapon sunod Sea Games
CEBU, Philippines — Nagpangedaron na og 65-anyos, apan ang Pinoy pool legend nga si Efren 'Bata' Reyes wala pa'y plano nga moretiro.
Gusto pa siya nga moduwa sa Philippine Team sa 2010 Southeast Asian Games sa Vietnam. Si Reyes mitampo og bronze medal sa nasud sa carom event sa billiard. Napilde siya sa semifinals ni Nai Ngo sa Vietnam nga maoy midaog sa gold medal.
"Hindi ko sinabi na ito ang huling SEA Games ko," matud ni Reyes sa Sports5. "Hindi natin alam, baka puede pa. Baka maglaro pa ulit."
Ang suod nga higala ni Reyes ug pool legend nga si Francisco 'Django' Bustamante nga mao sab ang national team coach, mituo ni Reyes nga aduna pa kini ikabuga aron magpadayon og duwa alang sa Pilipinas.
Mikompisal hinuon si Bustamante nga naibanan na gyud ang katakus ni Reyes, apan dawaton gihapon kini sa Phl team ilabi na nga nagnihit ang pool players ang Pilipinas.
- Latest