Lakers milumos sa Trail blazers

CEBU, Philippines — Misubay og managlahing dalan ang duha ka koponan gikan sa Los Angeles sa ilang duwa batok sa tagsa-tagsa nila ka mga  kaatbang sa NBA kagahapon sa managlahing binyu.

Ang LA Lakers mipukan sa Portland Trail Blazers sa iskor nga 136-113 didto sa  Moda Center sa Portland, samtang ang LA Clippers napilde ngadto sa Milwaukee Bucks, 119-91 didto sa Staples Center.

Ang superstar tandem nila ni Anthony Davis ug LeBron James maoy mibida sa Lakers. Si Davis mipupo og 39 puntos ug si James mipugnit og 31 puntos sa Lakers nga adunay labing nindot nga record karon sa NBA nga 20-3.

Doble demalas ang nasinati sa Blazers tungod kay nakahiagum og ACL injury ang ilang   sinaligang forward nga si Rodney Hood.

Nangulo sa Blazers si Damian Lillard nga adunay 29 puntos, samtang si Carmelo Anthony mitampo og 15.

Sa laing bahin, ang reigning MVP nga si Giannis Antetokoumpo mirehistro og 27 puntos ug 11 ka rebounds aron pangulohan ang Bucks.

Nangulo sa Clippers si Kawhi Leonard sa iyang 17 puntos, gisundan ni Paul George nga miiskor og 13 puntos.