Sarok Weavers gisubhan og daog sa Catmon caging
CEBU, Philippines – Giablihan sa Consolacion Sarok Weavers ang ilang kampanya sa kampiyonato pinaagi sa pagposte og 103-85 nga demolisyon sa Danao City sa 25-under category sa 1st Mayor Gestopa Cup Inter-Town Basketball Tournament didto sa Catmon Sports Complex.
Human sa bugnaw nga sinugdanan, ang Sarok Weavers ni coach Paul Alelu Flores ug assistant coach Jun 'Pafom' Pepito ug Lee Mar Dahil mipauwan og mga puntos sa second half aron lumsan ang Danao.
Ang Sarok Weavers, gibadahan og duha ka college varsity nga sila si Froiland Maglasang sa University of the Visayas (UV) Green Lancers ug JC Escalona sa Cebu Institute of Technology-University (CIT-U) Wildcats.
Si Maglasang miposa og 29 puntos, samtang lain pang upat ang mikadlit og double figures sa Sarok Weavers nga gipaluyohan ni Consolacion Mayor Joannes 'Joyjoy' P. Alegado.
- Latest