Lebron mikulit og laing record
Emmanuel B. Villaruel (Banat) - November 21, 2019 - 12:00am

CEBU, Philippines — Gipasinaw og samot ni LeBron James ang iyang legasiya human siya mikulit og laing NBA record sa dihang gilumsan sa Los Angeles Lakers ang Oklahoma City Thunder sa iskor nga 112-107 kagahapon didto sa Staples Center sa Los Angeles, California.

Si James mikolekta og 25 puntos, 11 ka rebounds ug 10 ka assists aron mamahimong labing unang player sa kasaysayan sa NBA nga mirehistro og 'triple-double' batok sa matag team sa liga.

Uban ang 86 ka triple- doubles, ikalima lamang si James sa dunay labing daghan nga triple-doubles, apan ang upat nga nag-una kaniya nga sila si Oscar Robertson, Russell Westbrook, Magic Johnson ug Jason Kidd wala makahimo niini batok sa 30 ka nagkalain-laing teams.

Ang sidekick ni James nga si Anthony Davis mitimbre og 34 puntos alang sa Lakers nga miposte sa ikalima niining sagunson nga daog aron padayong maghari sa Western Conference bitbit ang 12-2 record.

Si Dennis Schroder mipatuasik og 31 puntos, samtang si Danilo Gallinari mitali og 25 puntos alang sa Thunder nga naparot kaupat sa miagi nilang lima ka duwa. Wala kaugpo si Chris Paul nga nalimitahan lamang ngadto sa kuwatro puntos uban ang 10 ka assists ug lima ka rebounds.

Didto sa Memphis, si Alec Burks mipupo og season-high 29 puntos ug si Glenn Robinson III midugang og 20 puntos sa dihang gipayaka sa Golden State Warriors ang Memphis Grizzlies, 114-95 aron putlon ang pito ka sagunson nilang pilde.

Sila si Chriss ug Eric Paschall mitali og 17 puntos matag usa, samtang si Draymond Green miamot og otso puntos, 10 ka rebounds ug 11 ka assists alang sa Warriors.

Sa laing resulta, si Bogdan Bogdanovic miposa og pito ka tres sa iyang career-high 31 puntos sa dihang  gipasaop sa Sacramento Kings ang Phoenix Suns, 120-116.

Si Richaun Holmes dunay 20 puntos ug 15 ka rebounds, samtang sila si Nemanja Bjelica ug Harrison Barnes nagkumboya'g   32 puntos alang sa Kings nga midaog og upat sa miagi nilang lima ka duwa.

LEBRON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with